المصريون بعد فوز ترامب: الغزالة رايقة مع أبو حنان

كعادتهم، استقبل المصريون خبر فوز دونالد ترامب في انتخابات الرئاسة الأمريكية وعودته من جديد إلى بيت الأبيض، بالسخرية والفكاهة وإطلاق النكات وصناعة الكوميكسات، وهي عادة مصرية أصيلة للتعليق على أي حدث كبير، في الأفراح والأحزان، في الانتصارات والانكسارات.

وهذه المرة، انتشر لقب أبو حنان على دونالد ترامب، وأخذ الجميع يهنئه، أو يسخر منه، أو حتى يحذر من سياسته، على مواقع صفحات التواصل الاجتماعي، كما خرج الإعلامي عمرو أديب، مؤكدا أنه أول من أطلق لقب أبو حنان على ترامب، وقال عبر حسابه على موقع إكس: "قررت أن افتح حساب بنكى لكل من يستخدم اسم ابو حنان، يدفع 5 دولار حق أداء للعبد الفقير لله، وهي رسوم تدفع لمره واحدة اي انك تستخدم الاسم للابد فى كل المنصات . طبعا دي مجرد دعابه لاصحاب الفهم المتحجر".

وفي منشور آخر أضاف عمرو أديب: "واضح ان امريكا كانت عايزه راجل ! لو كنت راهنت كل واحد قلتله ان ترامب حيكسب كان زمانى اغنى منه، المهم عندنا بعض الامل ان الوضع عندنا فى المنطقه يتغير والعالم يبقى مكان افضل قادر يا كريم . مبروك حج ابو حنان ( ليا حقوق الاسم )".

بينما قال آخرون إن سبب إطلاق اسم أبو حنان على ترامب يعود إلى: "بنته إيفانكا وجوزها كوشنر يهود، وهما اللي كانوا شغالين على صفقة القرن وتهويد القدس والتطبيع مع السعودية، فبنته شغالة معاه في الحكم أكتر منه"، و"لأن ايفانكا تحسها مدية على حنان من صفط اللبن أو الوراق".

سخرية المصريين

وتوالت سخرية المصريين وإطلاقهم النكت بعد فوز ترامب في الانتخابات الأمريكية 2024، وكان أبرزها: أبو لهب فاز على حمالة الحطب، في وصف لدونالد ترامب بأنه مثل أبو لهب، ومنافسته كاماا هاريس مثل حمالة الحطب، أي أن الاثنين وجهين لعملة واحدة ونفس السياسة المؤيدة للاحتلال الإسرائيلي ولقتل العرب.

و: "اللي عايز ييجي ويعمل الواجب، احنا واخدين ميكروباص مخصوص السنبلاوين فلوريدا عشان نهني ونبارك للحاج أبو حنان وبنته بالفوز الكبير"

و: "بعد نجاح أبو حنان اللي معاه ذهب يبيعه بسرعة"، وبعد عودة أبو حنان.. أمريكا الوحيدة اللي كسرت قاعدة عمر اللي فات ما هيرجع تاني.. اهو طلع بيرجع عادي اهو أومال احنا محبكنها ليه"، و"أبو حنان رجع تانى  ورجع معاه زمن الحصحصه زى زمان"، وشخلل علشان تنام على حس ابو حنان".

وقال آخرون: "ابو حنان نفسه ميعرفش هو هيعمل ايه ده راجل بيعيش اليوم بيومه بيصحي كل الصبح ويشوف جايه معاه بايه النهاردة ويعمله"، و"أبو حنان vs ابو كاتيا"، والمقصود به الرئيس الروسي فلاديمير بوتين.

و: "بعودة الأيام يا أبو حنان"، و"يا مرحب بالحاج أبو حنان.. حزملي المنطقة ده يابني ورقصها على واحدة ونص"، و"ابو حنان بياكل هريسة"، و"ابو حنان رجع.. نوقف حروب بقي ونركز في الاقتصاد"، و"كدة فاضل مرتضي يرجع ونعيش بقي فاصل من اللحظات اللذيذة".

الغزالة رايقة

و"حلال في هذا العالم الحاج ابو حنان الجوزائي.. مينفعش معاكم غير ولاد المجانين دول"، و"أبو حنان عم الكوكب اللي هيولع الكوكب باللي فيه علشان ترتاحوا كلنا"، و"الغزالة رايقة مع ابو حنان"، و"ترامب اكيد وصله ان احنا مسمينه ابو حنان ، مش كده ؟"، "وترقبوا صواريخ أبو حنان.. تعود وتغزو العالم"، و"اهدأ شوية يا ابو حنان مش كدة".

و"من ساعة ما أبو حنان انضرب طلقه جنب ودانه وعمل عليها لزق كتير زى  صباع الواد محروس بتاع الوزير وانا عارفة أن ابوحنان هيكتسح"، و"أحمد زي الحاج أحمد.. ابو حنان نجح"، واقطع دراعي من لغاليغه إن 90٪؜ من العرب الامريكان انتخبوا الحاج ابو حنان علشان خاطر حنان".