خلال احتفالية اتحاد القبائل العربية
السيسي: بنعيش دلوقتي نفس الظروف إللي عشناها بعد 67 وانتهت بنصر أكتوبر
قال الرئيس عبد الفتاح السيسي، إن الشعب المصري رفض الهزيمة وتحدى الصعاب وأصر على الانتصار الغالي في حرب أكتوبر 1973، وشدد على أن ذكرى انتصارات ستظل في قلوب المصريين، وستظل خالدة في وجداننا.
وأضاف الرئيس السيسي خلال كلمته في احتفالية اتحاد القبائل العربية والعائلات المصرية التي أقيمت في العاصمة الإدارية الجديدة: "اللي انتوا بتشوفوه دلوقتي دا الظروف اللي بنعيشها بعد هزيمة 1967، وكل الناس والعالم والخبراء والمهتمين بالمواضيع العسكرية والتحديات اللي كانت بتجابهها الدولة المصرية في الوقت ده، خاصة على الصعيد العسكري، كانوا بيقولوا مستحيل.. خط بارليف ومانع قناة السويس والتفوق الكبير، والمقارنة اللي كانت مش في صالحنا، كله كان بيقول مفيش فرصة نجاح، لكن الشعب المصري، رفض دا وأصر وتحدى نفسه وحقق الانتصار".
مصر لا تنسى أولادها
وأكد الرئيس السيسي أن مصر لا تنسى أولادها الذين ضحوا من أجلها، مشيرًا إلى أن "حكاية أكتوبر" هي حكاية ملهمة ولا تنتهي، والنصر الذي تحقق لم يكن نصر بسيط، فهو نصر وراءه إرادة شعب كامل رفض الهزيمة وتحدى نفسه وظروفه، وتحدى التحدي نفسه.
وأكمل: "وعشان كده الانتصار ده غالي أوي واتدفع فيه كتير من دماء المصريين، والسلام اتدفع فيه كتير أوي، وعلى رأسه الرئيس الراحل محمد أنور السادات دفع فيه كتير، دفع فيه حياته ودمه عشان فكرة كانت وقتها".
وخلال الاحتفالية قال الرئيس عبد الفتاح السيسي: "احنا دلوقتي في تحديات قدامنا؟ أكيد، لكن بنفس الروح والإرادة وزي ما نجحنا لازم تكونوا متأكدين إنه بفضل الله سبحانه وتعالى وبالعمل والإصرار والمتابعة نعبر كل تحدي قدام مننا، ونصل بفضل الله إلى كل اللي بنتمناه مع بعضنا".
الشعب المصري رفض الهزيمة
وأكد أن الشعب المصري رفض الهزيمة وتحدى الصعاب وأصر على الانتصار الغالي في حرب أكتوبر 1973، مشيرًا إلى أن ذكرى انتصارات ستظل في قلوب المصريين.
وقال الرئيس السيسي: "بشكر كل من ساهم فى هذه الاحتفالية.. سواء منظمات المجتمع المدنى واتحاد القبائل وكل اللى شارك.. بشكركم.. ونوجه التحية لكل شعب مصر بمناسبة هذه الاحتفالية دى. لازم تفرحوا.. حكاية أكتوبر ملهمة لا تنتهى.. والنصر لم يكن بسيطا وكان خلفه إرادة شعب كامل".
ولفت الرئيس السيسي إلى أن "الرئيس الراحل أنور السادات دفع حياته من أجل السلام، ودى كانت فاكره سابقه العصر.. عندنا تحديات صعبة وعندنا روح وإصرار على النجاح وبفضل الله سبحانه وتعالى وبالعمل والإصرار والمتابعة هنعبر كل تحدى أمامنا ونصل بفضل الله مع بعض إلى كل ما تتمنى".
حكايات ناس بسيطة
وأضاف أن الحكايات الـ 8 اللى جت النهاردة.. حكايات لناس بسيطة موجودة فى كل بيت مصرى يسعى من أجل حياته وأسرته لحياة أفضل.. قادرين على تحقيق الانجازات.. فى سيناء نعمل حى باسم الحاجة فرحانة علشان نفتكر.. ونكون فاكرين الجميل.. فيه ناس كتير قدمت كتير لمصر.. فرصة لنموذج للحاجة فرحانة.. ونعمل حاجة فى القاهرة.. محور أو حاجة كده من أجل نشوف أهلنا فى سيناء عملوا ايه.
كما وجه الرئيس تحية لكل من ساهموا فى الاحتفالية، وخص بالذكر "الفنان محمد منير، وشكره على مساهمته واصراره على التواجد فى الحفلة وربنا يديله الصحة، وكل سنة وانتم طيبين وكل الشكر ليكم.. على اللى ساهم وجاهد وعمل معانا".
