عملاء "زهرة" يستغيثون من "معمار المرشدي": خمس سنوات ولم نر إلا الأساسات

حالة من الغضب والاستنكار يعيشها العديد من ملاك مشروع زهرة بالساحل الشمالي، والمضارين من عدم تسليهم الوحدات التي تم حجزها فضلا عن التباطؤ في تنفيذها وعدم اكتمالها رغم مرور ما يقرب من 5 أعوام على الاعلان عن المشروع والتقديم فيه. 

شن عملاء شركة معمار المرشدي، هجوما شديدا على الشركة بسبب تباطؤ العمل بمشروع زهرة، وانتشر فيديو يفيد بأن الشركة بدأت فى وضع خرسانات بعد 5 سنوات من الترويج للمشروع، وبعد الوقفة الاحتجاجية التى نظمها العملاء.

وقال العملاء تعليقًا على خرسانات شركة معمار المرشدي فى المشروع " شوية خرسانات تخلص كلها في ٣-٤ شهور طيب وبقية ال4  سنوات عملتوا فيها ايه.. للاسف كذب وتدليس كل ملاك المرحلة الاولي  المفترض يكونوا استلموا خلاص من سنة ودلوقتي بيستمتعوا بوحداتهم وبالشاطئ.. بس للاسف كل ده فشنك من مطور فاشل للاسف رغم اسمه اللي المفترض كبير بس مفيش عنده إدارة كلهم شوية هواه  .. حسبنا الله ونعم الوكيل في اي حد استحل اموال الناس بالباطل".

وقال عميل اخر،" حلو انكو تبتدوا بعد 5 سنين وتفرحوا بالانشاءات بس مطلوب نشاط اكبر ومصداقية بعد فقدان الثقه بمواعيدكم وحتي احياء المكان مطلوب.

وتابع،"زهرة كان اول مشروع لشركة المرشدي في الساحل الشمالي وكان من المتوقع ان يظهر بثقله وما حدث انهم تناسوا المشروع بالمرة الا من إعلانات رمضان السنوية وفقط الاحباط يملأ نفوس العملاء وملاك زهرة الحاليين من الامانة أن تظهروا الواقع وخطه العمل ومواعيد التسليم إذا كنتم صادقين وجادين والا الفشل والسقوط سيكون حليف ادارة المشمشي".

وقفة احتجاجية 

وسبق أن نظم عدد من ملاك مشروع زهرة التابع لشركة "معمار المرشدي"، وقفة احتجاجية لمطالبة الشركة بإعلان موعد تسليمهم بعد 5 سنوات من المماطلة وعدم انتهاء المشروع على حد قولهم ، وقاموا بنشر صور للمشروع رغم الإعلانات التى تروج لها الشركة .

واستغاث عدد كبير من الملاك والمتعاملين مع شركة معمار المرشدي من تأخر الشركة فى تسليم مشروعاتهم كما حدث فى مشروع زهرة.

وقال أحد الملاك وهو مستثمر سعودي فى فيديو بثه عبر السوشيال ميديا" الشركة من الشركات الكبرى فى مصر ولكنها متأخرة فى التسليم بمشروع زهرة الساحل الشمالي رغم مرور 4 سنين من التعاقد وعايزين نعرف هنستلم امتى ولا لأ .. الشركة تطلع ترد".

وقال مالك اخر بالشركة محذرا من التعامل معها،  "تجربتي مع المرشدي عند شراء شاليه في زهره طبعا السيلز عمل ليه البحر طحينه بمعني أسلوب وخدمه سبع نجوم ووصف ليه زهره علي انها قطعه من الجنة قال خدمات عباره عن كريستال لاجون صالحه للسباحه والاكوابارك وجولف كار وواجهه بانوراما وست شواطئ علي طول اربع كيلوا وبعد الشراء ما فيش اي حد من الشركه عايز يتكلم معاك أساسا وأسلوب سيء جدا وإلغاء في الخدمات كل شهر خدمه لحد ما وصلت زهره انها تكون مساكن الأنفوشي وياريت تسلم في المعاد لأ متاخره سنين فعلًا الشركه خلتني اكره اي شركات عقارات أساسا".

المضارين من وعود شركة "معمار المرشدي" قامو بانشاء صفحة على فيس بوك باسم "متضرري مشروعات معمار المرشدي" ، منذ بضع سنوات ، وكتب أحد المضارين عبر الصفحة : هما ليه مستغربين من معمارالمرشدي علشان بيعلن عن مشروع زهرة من سنتين ومفيش حفر ولا أي شغل يقول إن المشروع هيبدأوا فيه ، هما عملوا كدا في مشروع سكاي لاين ، أعلنوا عنه من 2018 وغرقوا الدنيا إعلانات على أنه أكبر مشروع سكني على مستوى العالم والكل سقف واحتفلوا بيهم في التلفزيونات". 

واحنا في الآخر بردوا مفيش مشروع ولا أعمال حفر، ومحدش سأل ولا حاسب ولا قال فين المشروع اللي صدعتونا بيه، أخدوا فلوس الناس على أساس ايه ، وقبل كدا كل المشاريع أصحابها كانوا بيعانوا أشد المعاناة من التأخير المميت في الاستلام واستكمال المرافق والخدمات"

وتابع : "العميل مننا مطلوب منه ينتظر 10 سنوات من استلامه لشقته علشان يشوف ملامح المشروع، وبعد كل دا بنستلم مشروع مشوه مخالف لإعلاناتهم وكلام السيلز وصورتهم اللي بيحاولوا يجملوها في الإعلام، طبيعي بعد كل ده مستوى الانحدار يوصل لعرض مشروعات وهمية للبيع، وبعد كل ده مستغربين، بالعكس دا التطور الطبيعي لسياسة معمار المرشدي"

جدير بالذكر، أن شركة المرشدي نظمت حملة دعاية وإعلانات ضخمة على مدار سنوات خاصة في رمضان وتم انفاق الملاين عليها ، خاصة على الفنانين الذين شاركوا في الدعايا مثل آسر ياسين ومحمود العسيلي وأحمد سعد ، فضلا عن المودلز الأجانب