دفاعا عن المخرج عمر زهران
بسمة وهبة تتهم شاليمار شربتلي بتهريب المجوهرات : دخلتيها مصر إزاي ؟
هاجمت الإعلامية بسمة وهبة ، الفنانة التشكيلية شاليمار شاربتلي زوجة المخرج خالد يوسف، مشككة فى اتهامها للمخرج عمر زهران، بسرقة مجوهراتها الثمينة .
وقالت بسمة وهبة في بث مباشر عبر حسابها الموثق على موقع إنستجرام: عمر زهران دخل بيوت ناس كتير.. عرب ومصريين أغنياء جدا، لماذا أنت الوحيدة التي تتهمينه بالسرقة؟
وطالبت بسمة وهبة ، شاليمار شاربتلي بالرد عن كيفية إدخال هذه المجوهرات الثمينة إلى مصر قائلة: دخلتي المجوهرات مصر إزاي، حضرتك أثبتيهم على الباسبور، أي أجنبي ملوش إلا 10 آلاف دولار، ولو معاكي حاجة زي كدا تثبتيها على الباسبور، حضرتك أثبتيها يا فندم، ولا دا يعتبر تهريب، ثانيا بلغتي عن المسروقات ومنزلة لينا صور من على النت طيب ما تجيبي لنا صورك كدا وأنتِ لبساها.
وأضافت بسمة وهبة باكية: أنا تعبانة، أنا مش عارفة أنام، لإن إحساس إن في حد مظلوم وممكن يتحبس صعب، وكان أستاذي وبيعلمني، واللي علمك، وابتديت معاه أول حلقة في حياتي، إنه نازل والكلبشات في إيديه، إيه الغل اللي ممكن يكون جوا البني آدم، يخليه يعمل في حد كدا.
إنتقام من عمر زهران
وتابعت بتأثر: إذا في حد عايز عمر يموت فعمر مات خلاص، عمر مات من جواه، وأنا مبعرفش استحمل الظلم على حد وعمر زهران أنبل انسان في الدنيا، ودخل بيوت ناس كتيرة، مش عرب بس ومصريين كمان شرفاء محترمين أغنياء وعندهم مجوهرات وعندهم فلوس، والفنانة الراحلة سهير البابلي كان جوزها جواهرجي، وكانت ما شاء الله حبيبتي بتلبس ألماظات كتيرة، اشمعنا أنتِ اللي هيسرقك، لي تعملي فيه كدا، ما تسيبيه في حاله، وتحلي مشاكلك بعيد عنه، بلاش الانتقام دا الانتقام دا وحش جدا.
وأكملت : دخلتي المجوهرات مصر إزاي، حضرتك أثبتيهم على الباسبور، أي أجنبي ملوش إلا 10 آلاف دولار، ولو معاكي حاجة زي كدا تثبتيها على الباسبور، حضرتك أثبتيها يا فندم، ولا دا يعتبر تهريب، ثانيا بلغتي عن المسروقات ومنزلة لينا صور من على النت طيب ما تجيبي لنا صورك كدا وأنتِ لبساها.
سر الحقيبة السوداء
وأضافت الإعلامية بسمة وهبة : وبعدين حضرتك مدياله مفتاح البيت، وإحنا عمرنا ما ندي مفتاح لحد إلا لما نكون واثقين فيه ومرينا بتجارب معاه خلتنا نثق فيه أي اللي خلى اليومين دول تحصل القلبة دي .
وأحالت النيابة العامة، المخرج عمر زهران «محبوسا» على ذمة القضية رقم 7493 لسنة 2023 جنح الجيزة، بتهمة سرقة مجوهرات الفنانة التشكيلية شاليمار شاربتلي، زوجة المخرج خالد يوسف، بالاشتراك مع خادمة.
وكشفت التحقيقات التي أجرتها النيابة العامة أن المجوهرات عبارة عن حقيبة جلد سوداء اللون، تحتوي على 5 علب بداخل كل منها مجموعة إكسسوار حريمي، فضلا عن أسورة ألماس، وخاتم ألماس، وساعة ماركة BG، وساعة روليكس، ومصوغات ذهبية أخرى.
وتم القبض على المتهم وبحوزته حقيبة جلد سوداء اللون، بها 5 علب بداخل كل منها مجموعة إكسسوار حريمي، وأقر بأن المضبوطات حصل عليها من المدعية. وقررت النيابة العامة حبس المخرج عمر زهران على ذمة القضية، ثم تمت إحالته للمحاكمة، وتم تأجيل القضية فى جلستها الأولى.
