بالنسبة للمتحرش الكبير، بالطفلة في المدرسة اللي هيا تلميذه وطالبه علم في بداية عمرها وهو المفروض أمين عليها وعلى غيرها من البنات الناس اللي زي كده جوه الجمجمة عندهم ايه، هواجس وامراض متكتلة، اللي بيفكر يتحرش ده ما بيعدش ليه من ١ ل ١٠ ويعرب ويقلع ويغير ويتنيل يفكر في حاجه تانية.
هل فعلا احنا مرضي نفسيين، الاقلاع عن شهوات الخلوة جزاءها عظيم ما بالك ده لا خلوه ولا حلوه يعني طفله ايه الاغراء في كده اللي نعرفه ان، المراهق الكبير، اللي هو الرجل اللي كسر حاجز سن معين غالبا بعد ٤٥، وده مش معناه انه كبير السن لا بس معناه ان افعاله افعال صغار، زي مثلا الرجالة العواجيز او اللي سنهم من ٥٠ وطالع كده، ويحبو يعرفوا بنات صغيره اللي سنهم ١٥ /١٦ الي ٢٠ سنه، ده مرض.
اسمه، البيدوفيليا وده اضطراب نفسي وجنسي وانحراف في الميول الجنسية، لازم نعترف ان حوالينا ناس كده وده مرض زي اي مرض، بس للأسف مرض بره حدود المنطق، اشتغل على نفسك لان الطبيعة البشرية ما فيش أفضل منها، لان لا واحده اصغر منك ب ٤٠ سنه هتعشقك ولا واحده اصغر منك ب ٣٠ سنه هتعيش حياه طبيعية معاك، فـ ارحمو أولادنا، وبناتنا من سيئات اهاليكم وشذوذكم الفكري والجنسي واتعالجو العلاج مش عيب انت مريض نفسي، اي حد يميل الي غير الطبيعي اتعالج.
مسافة أمنه
الأمهات اتكلمي مع بنتك ومتقوليش لسه صغيره عالكلام ده فهميها بقي ومضطرين لأننا في غابه ومحدش عارف الناس بتفكر في ايه فهمي بنتك ممنوع منعا باتا حد يقرب لها فهميها ان لازم يكون في مسافة ومساحه أمنه بينها وبين اي حد مهما كان حتى زميلتها.
فهمي ابنك ممنوع حد يلمسه ويقرب له حتى في الجيم حتى في التمرين عرفوهم ان ليهم صوت وحق يصرخوا ويوقولو لا ممنوع وميحافوش وإنكم في ضهرهم، ممنوع اي تقارب مع اي حد خارج نطاق بيتكم، دربوا أولادكم يقولو لا لا لا لاي حاجه حاسين انها مش مريحه ما يسكتوش.
